9 мамыр – Жеңіс күніне орай мектебімізде 6–9 сынып оқушылары арасында «Батырлар ерлігі – ұрпаққа өнеге» тақырыбында солдатқа хат жазу жұмысы ұйымдастырылды.

Іс-шараның мақсаты – оқушылардың Ұлы Жеңістің тарихи маңызын терең түсінуіне ықпал ету, батыр бабаларымыздың ерлігін дәріптеу және жас ұрпақтың патриоттық сезімін қалыптастыру.

Хат жазу барысында оқушылар жауапкершілік танытып, өз білімдерін көрсетті. Бұл жұмыс олардың сауаттылығын арттырумен қатар, ел тарихына деген құрметін нығайтуға бағытталды.

Батырлардың ерлігі – мәңгілік үлгі! Ұрпақ жадында сақталатын құндылықтар осындай тәрбиелік іс-шаралар арқылы жалғасын табады.